ଭୁବନେଶ୍ବର,୨୮/୫ : ଭରତପୁର ଥାନା ପୁଲିସ ଏକ ବାଇକ୍ ଲୁଟେରାକୁ ଧରିବାରେ ସଫଳ ହୋଇଛି । ଲୁଟେରା ଜଣଙ୍କ ହେଲେ ଗଞ୍ଜାମ ଜିଲ୍ଲା ବୈଦନାଥପୁର ଥାନା ଅନ୍ତର୍ଗତ ନାରାୟଣ ଦାସଙ୍କ ପୁଅ ସୋମ୍ୟରଞ୍ଜନ (୨୬) ବୋଲି ଜଣାପଡ଼ିଛି । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।ସୂଚନା ଅନୁଯାୟୀ, ତାରିଣୀ ପ୍ରସାଦ ବେହେରା ନାମକ ଜଣେ ଯୁବକ ଖାରବେଳନଗର ଥାନା ଅନ୍ତର୍ଗତ ସତ୍ୟକାଳୀ ବସ୍ତିରେ ରୁହୁଥିବାବେଳେ ଭରତପୁର ଥାନା ଅନ୍ତର୍ଗତ ସାମପୁରଠାରେ ଥିବା ମିଲନ ଟ୍ରାନ୍ସପୋର୍ଟ୍ କମ୍ପାନୀରେ ମ୍ୟାନେଜର ଭାବେ କାର୍ଯ୍ୟ କରନ୍ତି । ଗତକାଲି ମଧ୍ୟାହ୍ନରେ ତାରିଣୀ ପ୍ରସାଦ ନିଜ ପଲସର ମୋଟରସାଇକେଲକୁ ଅଫିସ ସମ୍ମୁଖରେ ପାର୍କିଂ କରି ଅଫିସ କାମ ଲାଗି ଭିତରକୁ ଯାଇଥିଲେ । ଏହି ସମୟରେ ସୋମ୍ୟରଞ୍ଜନ ଡୁପ୍ଲିକେଟ ଚାବି ବ୍ୟବହାର କରି କୌଶଳକ୍ରମେ ତାଙ୍କ ମୋଟରସାଇକେଲକୁ ସେଠାରୁ ଚୋରି କରି ନେଇଯାଇଥିଲେ । ପରେ ତାରିଣୀ ନିଜ ମୋଟରସାଇକେଲକୁ ଅଖାପାଖରେ ବହୁ ଖୋଜାଖୋଜି କରିଥିଲେ ମଧ୍ୟ ଆଉ ପାଇନଥିଲେ । ପରେ ସେ ଏ ନେଇ ଭରତପୁର ଥାନାରେ ଅଭିଯୋଗ କରିଥିଲେ । ପୁଲିସ ମାମାଲାର ତଦନ୍ତ କରିବା ସହ ବିଶ୍ଵସ୍ତ ସୂତ୍ରରୁ ସୂଚନାପାଇ ସମ୍ ହସ୍ପିଟାଲ ପଛ ପାଖରେ ଥିବା ବାଗା ପାର୍କ ନିକଟରେ ଅତର୍କିତ ଚଢଉ କରିଥିଲା । ଏଥିରେ ଅଭିଯୁକ୍ତଙ୍କୁ କାବୁ କରିବାରେ ସକ୍ଷମ ହୋଇଥିବାବେଳେ, ତାଙ୍କ ନିକଟରୁ ସମ୍ପୃକ୍ତ ଚୋରା ମୋଟରସାଇକେଲକୁ ମଧ୍ୟ ଜବତ କରିଥିଲା । ପଚରାଉଚରାବେଳେ ଅଭିଯୁକ୍ତ ଜଣକ ନିଜର ଅପରାଧ ସ୍ଵୀକାର କରିଥିଲେ ।
Related Posts
ମାହାଙ୍ଗା ଡବଲ ମର୍ଡର ମାମଲା: ପ୍ରତାପ ଜେନାଙ୍କୁ କ୍ଲିନ୍ଚିଟ୍
- satakhabar
- October 1, 2024
- 0
କଟକ,୧/୧୦: ମାହାଙ୍ଗା ଡବଲ ମର୍ଡର ମାମଲାରେ ପୂର୍ବତନ ମନ୍ତ୍ରୀ ପ୍ରତାପ ଜେନା ବଡ଼ ଆଶ୍ୱସ୍ତି ମିଳିଛି। ଏହି ମାମଲାରେ ମଙ୍ଗଳବାର ହାକକୋର୍ଟ ତାଙ୍କୁ କ୍ଲିନ୍ଚିଟ୍ ଦେଇଛନ୍ତି। ତାଙ୍କ ନାଁରେ ତଳକୋର୍ଟ ମାମଲାକୁ ହାଇକୋର୍ଟ ଖାରଜ […]
ନବୀନ ନିବାସରେ ‘ଦମନ’ ଟିମ୍, ନବୀନଙ୍କୁ ଭେଟି ଆଶୀର୍ବାଦ କାମନା କଲେ
- satakhabar
- August 17, 2024
- 0
ଭୁବନେଶ୍ୱର,୧୭/୮ : ମ୍ୟାଲେରିଆ ସଚେତନତା କ୍ଷେତ୍ରରେ ଉଲ୍ଲେଖନୀୟ ଭୂମିକା ଗ୍ରହଣ କରି ଜାତୀୟ ପୁରସ୍କାର ଲାଭ କରିଥିବା ଦମନ ଫିଲ୍ମର କଳାକାର ତଥା ନିର୍ଦ୍ଦେଶକ ଆଜି ନବୀନ ନିବାସଠାରେ ବିରୋଧି ଦଳ ନେତା ନବୀନ […]
ମଙ୍ଗଳାଙ୍କ ମେଡିକାଲ ପାଠ୍ୟକ୍ରମ ଜାରି ରଖିବା ପାଇଁ ସମସ୍ତ ସହଯୋଗ ଯୋଗାଇ ଦିଆଯିବ : ମୁଖ୍ୟମନ୍ତ୍ରୀ
- satakhabar
- August 29, 2024
- 0
ଭୁବନେଶ୍ୱର, ୨୯/୮ : ଲୋକସେବା ଭବନଠାରେ ବ୍ରହ୍ମପୁର ଏମ୍.କେ.ସି.ଜି ମେଡିକାଲ କଲେଜରେ ଏମ୍ବିବିଏସ୍ ପାଠ୍ୟକ୍ରମ ପାଇଁ ନିଟ୍-୨୦୨୪ ଦ୍ବାରା ଯୋଗ୍ୟ ବିବେଚିତ ହୋଇଥିବା ମାଲକାନଗିରି ଜିଲ୍ଲା ଖଇରପୁଟ ବ୍ଲକ୍ ଅନ୍ତର୍ଗତ ବଡବେଲ ଗ୍ରାମର ବଣ୍ଡା […]