ଭାଙ୍ଗିଲା ପସିସି, କାଡ଼ାମ ହେଲେ ବିଧାୟକ ଦଳ ନେତା

ଭୁବନେଶ୍ୱର,୨୧/୭ : ଏଆଇସିସି ପକ୍ଷରୁ ଓଡ଼ିଶା କଂଗ୍ରେସର ସମସ୍ତ କମକିଟିକୁ ଭାଙ୍ଗି ଦିଆଯାଇଛି । ପିସିସିର ସବୁ ପଦାଧିକାରୀଙ୍କୁ ବାଦ୍ ଦିଆଯାଇଛି । ଜିଲ୍ଲା, ବ୍ଲକ୍ ଓ ମଣ୍ଡଳ ସ୍ତରର କମିଟି ଭଙ୍ଗ କରାଯାଇଛି । ଏଥିସହ ପିସିସି, ଜିଲ୍ଲା ଓ ବ୍ଲକ୍ ସ୍ତରର କମିଟିର ସଭାପତିମାନେ ନୂଆ ସଭାପତି ଘୋଷଣା ନହେବା ଯାଏ କାମଚଳା ଭାବେ ଦାୟିତ୍ୱରେ ରହିବେ ବୋଲି ଏଆଇସିସି ପକ୍ଷରୁ କୁହାଯାଇଛି । ପିସିସି ସଭାପତି ଶରତ ପଟ୍‌ଟନାୟକ କାମଚଳା ଭାବେ ଦାୟିତ୍ୱରେ ରହିବେ । କଂଗ୍ରେସ ବିଧାୟକ ଦଳର ନେତା ଭାବେ ବିଧାୟକ ରାମଚନ୍ଦ୍ର କାଡ଼ାମଙ୍କୁ ନିଯୁକ୍ତ କରାଯାଇଛି । ଏ ନେଇ ଏଆଇସିସି ପକ୍ଷରୁ ଘୋଷଣା କରାଯାଇଛି । ଅଶୋକ ଦାସ କଂଗ୍ରେସ ବିଧାୟକ ଦଳର ଉପନେତା । ସିଏସ୍ ରାଜନ କଂଗ୍ରେସ ବିଧାୟକ ଦଳର ମୁଖ୍ୟ ସଚେତକ ବୋଲି ଏଆଇସିସି ପକ୍ଷରୁ ଘୋଷଣା କରାଯାଇଛି ।