ଆସନ୍ତାକାଲି ଭାରତ ବନ୍ଦ ଡାକରା ; ସାରା ରାଜ୍ୟରେ ବସ୍ ଚଳାଚଳ ସ୍ବାଭାବିକ ରହିବ

ଭୁବନେଶ୍ବର,୨୦/୮ : ଆସନ୍ତାକାଲି ସାରା ରାଜ୍ୟରେ ବସ୍ ଚଳାଚଳ ସ୍ବାଭାବିକ ରହିବ । ଏ ନେଇ ବସ୍ ମାଲିକ ସଂଘର ସମ୍ପାଦକ ଦେବେନ୍ଦ୍ର କୁମାର ସାହୁ ସୂଚନା ଦେଇଛନ୍ତି । ସେ କହିଛନ୍ତି, ଭାରତ ବନ୍ଦ ଡାକରା ଦେଇଥିବା କୌଣସି ସଂଗଠନ ସହ ବସ୍ ଆସୋସିଏସନ୍ ଜଡ଼ିତ ନାହିଁ। ଏଣୁ ଆସନ୍ତାକାଲି ସାରା ରାଜ୍ୟରେ ବସ୍ ଚଳାଚଳ ସ୍ବାଭାବିକ ରହିବ । ସୂଚନାଯୋଗ୍ୟ ଯେ, ସଂରକ୍ଷଣକୁ ନେଇ ସୁପ୍ରିମକୋର୍ଟଙ୍କ ନିର୍ଦେଶ ବିରୋଧରେ ଆସନ୍ତାକାଲି ସଂରକ୍ଷଣ ବଞ୍ଚାଅ ସଂଘର୍ଷ ସମିତି ପକ୍ଷରୁ ଭାରତ ବନ୍ଦ ଡାକରା ଦିଆଯାଇଛି । ହସ୍ପିଟାଲ, ଆମ୍ବୁଲାନ୍ସ ସେବା, ସରକାରୀ ସେବା ଜାରି ରହିବ ।