ଭୁବନେଶ୍ୱର, ୨୫/୬ : ଏସ.ଏମ ଏଣ୍ଟରଟେନମେଣ୍ଟ ଏବଂ ଆମର ଷ୍ଟୁଡିଓଜ୍ ର ପ୍ରଥମ ଅବଦାନ, ଚଳଚ୍ଚିତ୍ର – “କାନତରାଟି” ‘ଦ କଣ୍ଟ୍ରାକ୍ଟର’ ର ଟାଇଟିଲ ଭୁବନେଶ୍ୱର ସ୍ଥିତ ଏକ ହୋଟେଲ ରେ ଘୋଷଣା ହୋଇଯାଇଛି l ଶ୍ରୀଯୁକ୍ତ ଜଗନ୍ନାଥ ପଟ୍ଟନାୟକ ଦିଗଦର୍ଶକ ଥିବା ବେଳେ ପ୍ରଯୋଜିକା ଭାବେ ଅଛନ୍ତି ଶ୍ରୀମତୀ ଶ୍ରାବଣୀ ପଟ୍ଟନାୟକ l ସାଇକୋ, ଥ୍ରୀଲର ସହିତ ଜଣେ ସିରିଏଲ କିଲର ର କାହାଣୀକୁ ନେଇ ନିର୍ମାଣ ହେବାକୁ ଯାଉଛି ଚଳଚ୍ଚିତ୍ର କାନତରାଟି l ଯାହାର ନିର୍ଦ୍ଦେଶନା ଦେବେ ନିର୍ଦ୍ଦେଶକ ରମେଶ ରାଉତ l ବିଗତ ଦିନ ମାନଙ୍କରେ ନିର୍ଦ୍ଦେଶକ ରମେଶ ରାଉତ ଗଡ୍ ଫାଦର, ଚାନ୍ଦ ନା ତୁମେ ତାରା, କାବୁଲା ବାର ବୁଲା, ଟୋକାଟା ଫଶି ଗଲା ଏବଂ ତୋର ମୋର କଟି ଭଳି ସମୁଦାୟ ୨୭ ଟି ବହୁଭାଷୀ ଚଳଚ୍ଚିତ୍ର ନିର୍ଦ୍ଦେଶନା ଦେଇ ସାରିଛନ୍ତି l ତେବେ ଘୋଷଣା ହୋଇଥିବା ଚଳଚ୍ଚିତ୍ର କାନତରାଟି ରେ ଅଭିନୟରେ ଓଲିଉଡ଼ର ବଛା ବଛା ଅଭିନେତା ଅଭିନେତ୍ରୀ ଯଥା – ଦେବେଶ ରଞ୍ଜନ, ସୂର୍ଯ୍ୟମୟୀ, ତାପସ ସରଘରିଆ ଏବଂ ବିଭାସ ଙ୍କ ସମେତ ଅନେକ କଳାକାର ରହିଛନ୍ତି l ଏହି ଚଳଚ୍ଚିତ୍ରର କାହାଣୀ ରମେଶ ରାଉତ ରଚନା କରିଛନ୍ତି, ଚିତ୍ରନାଟ୍ୟ ରମେଶ ରାଉତ ଙ୍କ ସହିତ ନିଶାନ୍ତ ମଜିଠିଆ ଏବଂ ସଂଳାପ ନିଶାନ୍ତ ମଜିଠିଆ ଲେଖିଛନ୍ତି l ପୂର୍ବରୁ ନିଶାନ୍ତ ଗୋଟିଏ ଟିଭି ସିନେମା ଏବଂ ୬ ଟି ୱେବ ସିରିଜ୍ ର ସଂଳାପ ଲେଖି ଦର୍ଶକଙ୍କ ପସନ୍ଦର ସଂଳାପକାର ହୋଇପାରିଛନ୍ତି l ଚଳଚ୍ଚିତ୍ରର ଚିତ୍ରତ୍ତୋଳନ ଦାୟିତ୍ୱ ବିଶ୍ୱଜିତ କୁଲଡି ଏବଂ ସମ୍ପାଦନା ପିଣ୍ଟୁ ନାୟକ ନେଇଛନ୍ତି l ସଙ୍ଗୀତ ନିର୍ଦ୍ଦେଶନା ଅଭିଜିତ ମଜୁମଦାର ଦେଇଛନ୍ତି l କ୍ରି୍ଏଟିଭ ହେଡ଼ ଅଛନ୍ତି ରୀତିଶ ପରିଡା l ଟାଇଟିଲ ଘୋଷଣା ଉତ୍ସବ ରେ ପ୍ରଯୋଜିକା, ନିର୍ଦ୍ଦେଶକ, ସଙ୍ଗୀତ ନିର୍ଦ୍ଦେଶକ, ସଂଳାପକାର ଙ୍କ ସମେତ କଣ୍ଠଶିଳ୍ପୀ ଅନ୍ତରା ଚକ୍ରବର୍ତ୍ତୀ, ଜ୍ୟୋତିର୍ମୟୀ, ତାପସ ସରଘରୀୟା, ଟୁଟୁ ନାୟକ ପ୍ରମୁଖ ଉପସ୍ଥିତ ଥିଲେ l ସାଧାରଣ ନିର୍ବାଚନ ଋତୁ ଶେଷ ହେବା ପରେ ସିନେମା ଋତୁ ଆରମ୍ଭ ହୋଇଯାଇଛି ଓଲିଉଡ଼ ରେ l ରାଜ୍ୟ ରାଜନୀତି ରେ ଯେମିତି ପରିବର୍ତ୍ତନ ଆସିଛି ଠିକ ସେମିତି ଓଡ଼ିଆ ଚଳଚ୍ଚିତ୍ର ର ଧାରା ମଧ୍ୟ ପରିବର୍ତ୍ତନ ହୋଇଯାଇଛି ଯାହା ଫଳରେ ଦର୍ଶକ ଏବେ ପ୍ରେକ୍ଷାଳୟ ମୁହାଁ ହେଉଛନ୍ତି l ଚଳଚ୍ଚିତ୍ର ର ଟାଇଟିଲ ରୁ ଜାଣିପଡ଼ୁଛି ଏହା ନିଶ୍ଚିତ ଭାବେ ପାରମ୍ପରିକ ପାରିବାରିକ କାହାଣୀ ଠୁ ଟିକେ ନିଆରା ହୋଇଥିବ l ତେବେ ଅପେକ୍ଷା ମୁକ୍ତିଲାଭ କୁ l
Related Posts
ସଲ୍ମାନ ଖାନ୍ଙ୍କ ଘର ଠିକଣାରେ କ୍ୟାବ୍ ବୁକ୍ କରିଥିବା ଯୁବକ ଗିରଫ
- satakhabar
- April 20, 2024
- 0
ମୁମ୍ବାଇ: ବଲିଉଡ ସୁପରଷ୍ଟାର ସଲମାନ ଖାନଙ୍କ ଘରୁ ଗ୍ୟାଙ୍ଗଷ୍ଟର ଲରେନ୍ସ ବିଷ୍ନୋଇଙ୍କ ନାମରେ କ୍ୟାବ ବୁକ୍ କରିବା ଅଭିଯୋଗରେ ଜଣେ ୨୦ ବର୍ଷୀୟ ଯୁବକ ଗିରଫ ହୋଇଛନ୍ତି ବୋଲି ଶୁକ୍ରବାର ପୁଲିସ୍ ପକ୍ଷରୁ ଜଣାପଡ଼ିଛି।ମୁମ୍ବାଇ […]
ପରଦାକୁ ଆସିଲା ଜୁନିଅର ଏନଟିଆରଙ୍କ ଫିଲ୍ମ ‘ଦେବରା’
- satakhabar
- September 27, 2024
- 0
ମୁମ୍ବାଇ, ୨୭/୯ : ଜୁନିଅର ଏନଟିଆରଙ୍କ ବହୁ ପ୍ରତୀକ୍ଷିତ ଫିଲ୍ମ ‘ଦେବରା: ପାର୍ଟ -୧’ ଆଜି ରିଲଜ ହୋଇଯାଇଛି । ଏହି ଚଳଚ୍ଚିତ୍ର ରିଲିଜ ନେଇ ଫ୍ୟାନ୍ସ ବିଭିନ୍ନ ସହରରେ ଦମଦାର ସ୍ୱାଗତ କରିଛନ୍ତି […]
କଙ୍ଗନା ରଣାୱତଙ୍କ ‘ଏମର୍ଜେନ୍ସି’ ଫିଲ୍ମ ରିଲିଜ୍ ସ୍ଥଗିତ
- satakhabar
- September 1, 2024
- 0
ନୂଆଦିଲ୍ଲୀ,୧/୯ : ବିବାଦ ଘେରରେ ରହିଥିବା ବଲିଉଡ୍ ଅଭିନେତ୍ରୀ କଙ୍ଗନା ରଣାୱତଙ୍କ ‘ଏମର୍ଜେନ୍ସି’ ଫିଲ୍ମକୁ ନେଇ ଆସିଛି ଏକ ବଡ଼ ଅପଡେଟ୍ । ସେପ୍ଟେମ୍ବର ୬ରେ ଫିଲ୍ମ ରିଲିଜ୍ ହେବାକୁ ଥିବାବେଳେ ଏବେ ତାହାକୁ […]