ନୂଆଦିଲ୍ଲୀ, ୩/୧୦ : ମହାଭାରତରେ ଦ୍ରୋପଦୀ ପାଣ୍ଡବଙ୍କୁ ବିବାହ କରିଥିଲେ। ଭୁଲ ବୁଝାମଣା ହେତୁ ଦ୍ରୋପଦୀଙ୍କୁ ୫ ସ୍ବାମୀ ମିଳିଥିଲେ। କିନ୍ତୁ ଆପଣ ଜାଣନ୍ତି କି ଆଜି ବି ଭାରତରେ ଏପରି କିଛି ସ୍ଥାନ ଅଛି ଯେଉଁଠି ମହିଳା ପ୍ରତିଦିନ ସ୍ବାମୀ ବଦଳାଇଥା’ନ୍ତି। ଶୁଣି ଆଶ୍ଚର୍ଯ୍ୟ ଲାଗୁଥିଲେ ବି ସତ। ହିମାଚଳ ପ୍ରଦେଶରେ ଏକ ଗୋଷ୍ଠୀ ଅଛନ୍ତି ଯେଉଁଠାରେ ଜଣେ ମହିଳା ପ୍ରତିଦିନ ଅନେକ ପୁରୁଷଙ୍କୁ ବିବାହ କରନ୍ତି।ହିମାଚଳ ପ୍ରଦେଶର ସିରମେର ଜିଲାରେ ଏହାକୁ ପ୍ରଥା ଭାବରେ ପାଳନ କରାଯାଏ। ଯାହାର ନାଁ ହେଉଛି ଜୋଡ଼ିଦାରାଁ ପ୍ରଥା। ଏହି ପରମ୍ପରାରେ, ପରିବାରର ବଡ ପୁଅ ଯାହାକୁ ବିବାହ କରିଥାନ୍ତି, ପରେ ଅନ୍ୟ ଭାଇମାନେ ମଧ୍ୟ ଧୀରେ ଧୀରେ ତାଙ୍କୁ ବିବାହ କରନ୍ତି । ଏହି ପ୍ରଥା ଶୁଣିଲେ ଆପଣ ମହାଭାରତର ଦ୍ରୋପଦୀଙ୍କ ବିଷୟରେ ଭାବୁଥିବେ।ହିମାଚଳ ପ୍ରଦେଶ ବ୍ୟତୀତ ଉତ୍ତରପ୍ରଦେଶ ମଧ୍ୟ ,ହି ପ୍ରତା ରହିଛି। ଆଉ ଯଦି ଭାରତ ବାହାର କଥା କହିବା, ତେବେ ତିବ୍ଦତରେ ମଧ୍ୟ ଏହି ପରମ୍ପରା ଜାରି ରହିଛି । ପୂର୍ବରୁ ଏହା ଖୋଲାଖୋଲି ଭାବରେ କରାଯାଉଥିଲା କିନ୍ତୁ ବର୍ତ୍ତମାନ ଅନେକ ପରିବାର ଏହାକୁ ଗୁପ୍ତରେ କରନ୍ତି । ଏହି ଅଭ୍ୟାସ ପଛର କାରଣ ମଧ୍ୟ ବହୁତ ଆକର୍ଷଣୀୟ । ତଥାପି, ପରମ୍ପରା ନାମରେ, ଜଣେ ମହିଳା କିପରି ଏକାଧିକ ପୁରୁଷଙ୍କ ସହିତ ରହିବାକୁ ବାଧ୍ୟ ହୁଅନ୍ତି, ଏହି ପ୍ରଥାରେ ସ୍ପଷ୍ଟ ଦେଖାଯାଏ ।
ପୂର୍ବ କାଳରେ, ଜୋଡ଼ିଦାରାଁ କରିବାର ପ୍ରଥା ବହୁତ ପ୍ରଚଳିତ ଥିଲା । କିନ୍ତୁ ବର୍ତ୍ତମାନ ଏହାର ଅଭ୍ୟାସ ସମୟ ସହିତ ହ୍ରାସ ପାଇଛି । ତଥାପି, ସିର୍ମାଉର ଜିଲାରେ ଅନେକ ପରିବାର ଅଛନ୍ତି ଯେଉଁମାନେ ପୁରୁଣା ପରମ୍ପରାକୁ ଅନୁସରଣ କରନ୍ତି ଏବଂ ଆଜି ମଧ୍ୟ ଏହି ପରମ୍ପରାକୁ ବଜାୟ ରଖିବାକୁ ଚେଷ୍ଟା କରନ୍ତି । ଏହି ପରମ୍ପରାରେ, ଯେଉଁ ମହିଳା ପରିବାରର ବଡ ପୁଅକୁ ବିବାହ କରନ୍ତି, ସମସ୍ତ ଭାଇ ତାଙ୍କୁ ବିବାହ କରନ୍ତି । ଏହା ପରେ ଭାଇମାନଙ୍କ ମଧ୍ୟରେ ଏହା ବିଭକ୍ତ ହୋଇଛି କେଉଁ ଦିନ ସେହି ମହିଳାଙ୍କ ସହିତ କିଏ ରହିବେ । ଭାଇ ନିଜ ଟୋପିକୁ କୋଠରୀ ବାହାରେ ଟାଙ୍ଗି ଦିଅନ୍ତି, ଯାହା ଦ୍ୱାରା ଜଣାପଡେ ଯେ ଜଣେ ଭାଇ ସେହି ମହିଳାଙ୍କ ସହିତ ଅଛନ୍ତି। ଏପରି ପରିସ୍ଥିତିରେ ଅନ୍ୟ ବ୍ୟକ୍ତି ଭିତରକୁ ଯାଆନ୍ତି ନାହିଁ ।ଏହି ପ୍ରଥା ହେତୁ, ଯେତେବେଳେ ଜଣେ ମହିଳା ଗର୍ଭବତୀ ହୁଅନ୍ତି, ସେତେବେଳେ ତାଙ୍କ ସନ୍ତାନର ବାପାଙ୍କ ବିଷୟରେ ଦ୍ୱନ୍ଦ୍ୱ ରହିଥାଏ । ଏପରି ପରିସ୍ଥିତିରେ, ପ୍ରଥମ ସନ୍ତାନର ବାପା ହେଉଛନ୍ତି ବଡ଼ ଭାଇ, ଏବଂ ପରବର୍ତ୍ତୀ ପିଲାମାନେ ଅନ୍ୟ ଭାଇମାନଙ୍କ ମଧ୍ୟରେ ବିଭକ୍ତ ।
ବର୍ତ୍ତମାନ ସବୁଠାରୁ ବଡ ପ୍ରଶ୍ନ ହେଉଛି ଏହି ପ୍ରଥା କାହିଁକି ଆବଶ୍ୟକ? ଯେପରି ଭାଇମାନଙ୍କ ମଧ୍ୟରେ ଭବିଷ୍ୟତରେ ଜମି ବିଭାଜନ ନ ହୁଏ, ସେଥିପାଇଁ ସମସ୍ତେ ସମାନ ସ୍ତ୍ରୀ ସହିତ ବିବାହ କରନ୍ତି । ଏହି କାରଣରୁ, ଭାଇମାନେ ଏକାଠି ରୁହନ୍ତି ଯଦିଓ ସେମାନେ ସମାନ ମହିଳାଙ୍କ ସହିତ ରୁହନ୍ତି ଓ ସମ୍ପତ୍ତି ବାଣ୍ଟନ୍ତି ନାହିଁ । ତଥାପି, ସମୟ ସହିତ ଏହି ପ୍ରଥା ହ୍ରାସ ପାଇବାରେ ଲାଗିଛି।
