ଫୁଲବାଣୀ, ୧୬/୫ : ଆଜି ଫୁଲବାଣୀ ଆସୁଛନ୍ତି କଂଗ୍ରେସର ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ। ଗୁଦାରୀ ଏୟାରଷ୍ଟ୍ରିପରେ ଅପରାହ୍ନ ୩.୩୦ରେ ପହଞ୍ଚିବା ପରେ ଏକ ଶୋଭାଯାତ୍ରାରେ କରୋନେସନ ପଡିଆରେ ପହଂଚି ଏକ ଜନସଭାକୁ ସମ୍ବୋଧିତ କରିବେ ଖଡଗେ। ଖଡଗେଙ୍କ ସହ ତେଲେଙ୍ଗାନା ଉପ ମୂଖ୍ୟମନ୍ତ୍ରୀ ମଧ୍ୟ ଯୋଗ ଦେବାର କାର୍ଯ୍ୟକ୍ରମ ରହିଛି। ଜିଲ୍ଲା କଂଗ୍ରେସ କାର୍ଯ୍ୟାଳୟରେ ଆୟୋଜିତ ଏକ ସମ୍ମିଳନୀରେ ଏ ନେଇ ସୂଚନା ଦେଇଛନ୍ତି ପିସିସି ସଭାପତି ଶରତ ପଟ୍ଟନାୟକ। ମୂଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଗସ୍ତ ପରେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନଙ୍କ ନିର୍ବାଚନୀ କାର୍ଯ୍ୟକ୍ରମ ନେଇ ଫୁଲବାଣୀରେ ରାଜନୈତିକ ମାହୋଲ ସରଗରମ ହୋଇଛି।କଂଗ୍ରେସ ପକ୍ଷରୁ ଖଡଗେଙ୍କ କାର୍ଯ୍ୟକ୍ରମ ପାଇଁ ବ୍ୟାପକ ପ୍ରସ୍ତୁତି କରାଯାଇଛି। କାର୍ଯ୍ୟକ୍ରମରେ କନ୍ଧମାଳ ଲୋକସଭା ସାଂସଦ ପ୍ରାର୍ଥୀଙ୍କ ସମେତ ସମସ୍ତ ସାତଟି ବିଧାନସଭା କ୍ଷେତ୍ରର ବିଧାୟକ ପ୍ରାର୍ଥୀ ଯୋଗ ଦେବେ। କନ୍ଧମାଳର ସମସ୍ତ ଆସନରେ ଦଳ ବିଜୟୀ ହେବ ବୋଲି ସେ କହିଛନ୍ତି ପିସିସି ସଭାପତି। ଜିଲ୍ଲା ସଭାପତି ଚନ୍ଦ୍ର ଶେଖର ପରିଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ଅଖିଳ ଭାରତୀୟ କଂଗ୍ରେସ କମିଟି ସମ୍ପାଦକ ସହାନବାଜ୍ ହୁସେନ ଚୌଧୁରୀ, କନ୍ଧମାଳ ଲୋକସଭା କ୍ଷେତ୍ର ପ୍ରଭାରୀ କୁନାଲ ବାନାର୍ଜୀ, ପୂର୍ବତନ ଜିଲ୍ଲା ସଭାପତି ଅନାମ ନାୟକ,ଯୁବ କଂଗ୍ରେସ ସଭାପତି ଚନ୍ଦନ ପଣ୍ଡା, ବସନ୍ତ ପାଢ଼ୀ, ନନ୍ଦ କିଶୋର ଦାସ, ଗୌର ଚରଣ ବେହେରା, ବଳଦେବ ବେହେରା, ପ୍ରେମ୍ ଚାନ୍ଦ ତ୍ରିପାଠୀ ପ୍ରମୂଖ ଉପସ୍ଥିତ ଥିଲେ। ଅନ୍ୟ ପକ୍ଷରେ ଖଡଗେଙ୍କ ଗସ୍ତକୁ ଦୃଷ୍ଟିରେ ରଖି ସଦର ଏସଡିପିଓ ସୁପ୍ରସନ୍ନ ମଲିକଙ୍କ ତତ୍ତ୍ୱାବଧାନରେ ସୁରକ୍ଷା ଓ ଟ୍ରାଫିକ ବ୍ୟବସ୍ଥା ନେଇ ତଦାରଖ କରାଯାଇଛି।
Related Posts
ସମନ୍ବୟ ନ ଥିବାରୁ କାଠଗଡାରେ ସରକାର
- satakhabar
- September 15, 2024
- 0
ଭୁବନେଶ୍ୱର,୧୫/୯ : ଓଡିଶା ଲୋକସେବା ଆୟୋଗ ସମେତ ଅନୁରୂପ ଅନ୍ୟାନ୍ୟ ସରକାରୀ ପ୍ରାର୍ଥୀ ଚୟନକାରୀ ସଂସ୍ଥାଙ୍କ ସହିତ ସରକାରୀକଳର ଠିକଣା ସମନୟ୍ୱ ରହନୁ ଥିବାରୁ ବହୁ କ୍ଷେତ୍ରରେ ସରକାରଙ୍କୁ ଆଇନ୍ ଅଦାଲତର କାଗଠଗଡାରେ ଛିଡାହେବାକୁ […]
ଆମ ଓଡିଆ ଅସ୍ମିତାକୁ ଅମିତ୍ ବିଶ୍ୱ ଦରବାରରେ ପହଞ୍ଚାଇଛନ୍ତି : ମୁଖ୍ୟମନ୍ତ୍ରୀ
- satakhabar
- August 16, 2024
- 0
ଭୁବନେଶ୍ୱର,୧୬/୮ : ପ୍ୟାରିସ୍ ଅଲମ୍ପିକ୍ସରେ ପଦକ ଜିତିବା ପରେ ଭାରତୀୟ ପୁରୁଷ ହକି ଦଳର ଏକମାତ୍ର ଓଡିଆ ଖେଳାଳୀ ଅମିତ୍ ରୋହିଦାସ୍ ଆଜି ଓଡିଶାରେ ପହଞ୍ଚିଛନ୍ତି। ଭୁବନେଶ୍ୱରରେ ପହଞ୍ଚିବା ପରେ ମୁଖ୍ୟମନ୍ତ୍ରୀ ମୋହନ ଚରଣ […]
୨0ହଜାର ଟଙ୍କା ଲାଞ୍ଚ ନେଲାବେଳେ ଭିଜିଲାନ୍ସ ଜାଲରେ ପଡ଼ିଲେ ଡାକ୍ତର
- satakhabar
- July 19, 2024
- 0
ଆନନ୍ଦପୁର, ୧୯ /୭ : ୨୦ ହଜାର ଟଙ୍କା ଲାଞ୍ଚ ନେଇ ମେଡିକାଲ ଅଧିକାରୀ ଗିରଫ । ସାଇଁକୁଳ ମେଡିକାଲ ଅଧିକାରୀ ଡା.ରଞ୍ଜିତ କୁମାର ରାଉତ ଗିରଫ ହୋଇଛନ୍ତି । ଜଣେ କର୍ମଚାରୀଙ୍କ ଠାରୁ […]