ଆସନ୍ତାକାଲି ରିଲିଜ ହେବ କୁହୁଡ଼ିର ଟ୍ରେଲର, ଫ୍ୟାନ୍ସଙ୍କ ମଧ୍ୟରେ ଉତ୍କଣ୍ଠା ଜାରି

ଭୁବନେଶ୍ବର,୧୦/୬ : ବହୁ ପ୍ରତିକ୍ଷୀତ ଫିଲ୍ମ ‘କୁହୁଡ଼ି’ର ଟ୍ରେଲର ମଙ୍ଗଳବାର ରିଲିଜ ହେବ । ଏହାକୁ ନେଇ ସୁପରଷ୍ଟାର ଅନୁଭବ ମହାନ୍ତିଙ୍କ ଫ୍ୟାନ୍ସଙ୍କ ମଧ୍ୟରେ ଉତ୍ସାହ ଜାରି ରହିଛି । କୁହୁଡ଼ିର ଗୀତ ଗୁଡ଼ିକ ବେଶ ମନ ଛୁଆଁ ହୋଇଛି । ଯାହାକୁ ଦର୍ଶକ ବେଶ ଭଲ ପାଇବା ଦେଇଛନ୍ତି । ଟ୍ରେଲରକୁ ନେଇ ଏବେ ଉତ୍କଣ୍ଠା ବଢିଯାଇଛି । ନିର୍ଦ୍ଦେଶକ ଅଜୟ ପାଢୀଙ୍କ ଫିଲ୍ମ ‘କୁହୁଡ଼ି’ ଆସନ୍ତା ୧୪ତାରିଖ ପହିଲି ରଜରେ ପରଦାକୁ ଆସିବ । ଫିଲ୍ମଟି କୋର୍ଟ ଡ୍ରାମା ଉପରେ ଆଧାରିତ । ଟିଜର ଦେଖି ଦର୍ଶକଙ୍କ ମନରେ ଫିଲ୍ମକୁ ନେଇ ବହୁ ଉତ୍ସାହ ଦେଖାଦେଇଛି । ଆସନ୍ତାକାଲି ଏହାର ଟ୍ରେଲର ଆସିବାକୁ ଅଛି । ପ୍ରଯୋଜନା ଟିମ୍ ପକ୍ଷରୁ ଏହା ଦର୍ଶକମାନଙ୍କ ମନକୁ ଛୁଇଁବ ବୋଲି କୁହାଯାଇଛି । ଅଭିନେତା ଅନୁଭବ ମହାନ୍ତି ଏଥିରେ ଜଣେ ଓକିଲ ଭୂମିକାରେ ନଜର ଆସୁଛନ୍ତି । ଏହାସହ ଏଥିରେ ଅଭିନୟରେ ଅଭିନେତା ସୁକୁମାର ଟୁଡୁ, କୁନା ତ୍ରିପାଠୀ, ଦ୍ବିପନ୍ବିତ, ଅଭିନେତ୍ରୀ ସୁପ୍ରିୟା, ପ୍ରକୃତି ମିଶ୍ର, ମଧ୍ୟ ନଜର ଆସିବାରେ ଅଛନ୍ତି । ଦ୍ବିପନ୍ବିତ ଏଥିରେ ଏକ ଅଭିଯୁକ୍ତ ଭୂମିକାରେ ନଜର ଆସୁଛନ୍ତି । ଅନୁଭବଙ୍କ ଏହା ବହୁ ପ୍ରତିକ୍ଷୀତ ଫିଲ୍ମ ଭିତରୁ ଗୋଟିଏ । ଚଳିତ ବର୍ଷ ଏହା ତାଙ୍କର ପରଦାକୁ ଆସୁଥିବା ପ୍ରଥମ ଫିଲ୍ମ ହେବ । ରଜ ବଜାରକୁ ପୂରା ସରଗରମ କରିବ ବୋଲି ପ୍ରଯୋଜନା ସଂସ୍ଥା ପକ୍ଷରୁ ଆଶା ରଖାଯାଇଛି । ପ୍ରଯୋଜନାରେ ଅଛନ୍ତି ହିମାଦ୍ରି ତନୟା ଦାସ ।