ନୂଆଦିଲ୍ଲୀ, ୨୯ /୭ : ଦିଲ୍ଲୀରେ ପ୍ରବଳ ବର୍ଷା ଯୋଗୁଁ ରାଜେନ୍ଦ୍ର ନଗର ଅଞ୍ଚଳରେ ଥିବା ଆଇଏଏସ କୋଚିଂ ସେଣ୍ଟର ‘ରାଓଜ୍ ଷ୍ଟଡି ସର୍କଲ’ର ବେସ୍ମେଣ୍ଟ ରେ ହଠାତ୍ ପାଣି ପଶିଯାଇଥିଲା। ଯାହାଫଳରେ ସେଠାରେ ଉପସ୍ଥିତ ଥିବା କିଛି ଛାତ୍ରଛାତ୍ରୀ ପାଣିରେ ବୁଡିଯାଇଥିଲେ। ଅଗ୍ନିଶମ ବିଭାଗ ଓ ଏନଡିଆରଏଫ୍ ଯବାନମାନେ ଘଟଣାସ୍ଥଳରୁ ଦୁଇଜଣ ଛାତ୍ରୀଙ୍କ ମୃତଦେହ ଉଦ୍ଧାର କରିଥିଲେ। ତେବେ ରବିବାର ଆଉ ଜଣେ ଛାତ୍ରଙ୍କ ମୃତଦେହ ଉଦ୍ଧାର କରାଯାଇଥିବାବେଳେ ମୃତକଙ୍କ ସଂଖ୍ୟା ୩କୁ ବୃଦ୍ଧି ପାଇଛି। ତେବେ ପୁଲିସ୍ ଏହି ଘଟଣାରେ ପୂର୍ବରୁ ଦୁଇ ଜଣଙ୍କୁ ଗିରଫ କରିଥିବାବେଳେ ଆଜି ପୁଣି ୫ ଅଭିଯୁକ୍ତଙ୍କୁ ଗିରଫ କରିଥିବା ସୂଚନା ମିଳିଛି। ବର୍ତ୍ତମାନ୍ ମୋଟ୍ ଗିରଫଦାରୀ ସଂଖ୍ୟା ୭କୁ ବୃଦ୍ଧି ପାଇଛି। ଏହି ପୂରା ଘଟଣାରେ ସାମିଲ ଥିବା ଅଭିଯୁକ୍ତଙ୍କ ବିରୋଧରେ ଦୃଢ଼ କାର୍ଯ୍ୟନୁଷ୍ଠାନ ଗ୍ରହଣ କରାଯିବ ବୋଲି ଦିଲ୍ଲୀ ପୁଲିସ ପ୍ରତିଶ୍ରୁତି ଦେଇଛି। ସୂଚନାଯୋଗ୍ୟ ଏହି କୋଚିଂ ସେଣ୍ଟରର ତଳ ମହଲାରେ ଲାଇବ୍ରେରୀ ରହିଥିଲା। ମୁଖ୍ୟ ରାସ୍ତାରୁ କୋଚିଂ ସେଣ୍ଟରଟି ପ୍ରାୟ ଆଠ ଫୁଟ ତଳେ ଅବସ୍ଥିତ ଥିଲା। ବର୍ଷା ପାଣି ଡ୍ରେନ୍ରେ ପ୍ରବାହିତ ହେଉଥିବାବେଳେ ହଠାତ୍ ଲାଇବ୍ରେରୀର କବାଟ ଭାଙ୍ଗିଯିବାରୁ ପ୍ରଖର ସ୍ରୋତରେ ପାଣି ମାଡିଆସିଥିଲା। ଦୁର୍ଘଟଣା ସମୟରେ ଲାଇବ୍ରେରୀରେ ୨୦ ଜଣ ଛାତ୍ରଛାତ୍ରୀ ଅଧ୍ୟୟନ କରୁଥିଲେ। ୧୭ ଜଣ କୌଣସି ପ୍ରକାରେ ଜୀବନ ବଞ୍ଚାଇ ବାହାରକୁ ପଳାଇବାରେ ସମର୍ଥ ହୋଇଥିଲେ। ତେବେ ଦୁଇଜଣ ଛାତ୍ରୀ ଓ ଜଣେ ଛାତ୍ର ପାଣିରେ ବୁଡି ପ୍ରାଣ ହରାଇଛନ୍ତି। ମୃତକମାନେ ହେଲେ ତେଲଙ୍ଗାନାର ତାନିଆ ସୋନି, ଉତ୍ତର ପ୍ରଦେଶର ଶ୍ରେୟା ଯାଦବ ଏବଂ କେରଳର ନବୀନ ଡାଲୱିନ । ମୃତକମାନେ ଦୀର୍ଘ ୪ ଘଣ୍ଟା ପାଣିରେ ବୁଡି ରହିବାରୁ ସେମାନଙ୍କର ମୃତ୍ୟୁ ଘଟିଥିବା ପୁଲିସ ପକ୍ଷରୁ କୁହାଯାଇଛି। ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିବା ସମୟରେ ଲାଇବ୍ରେରୀର ଟେବୁଲ ଚୌକିଗୁଡିକ ପାଣିରେ ଭାସୁଥିବାରୁ ଉଦ୍ଧାର କାର୍ଯ୍ୟ ବାଧାପ୍ରାପ୍ତ ହୋଇଥିଲା ବୋଲି ଦିଲ୍ଲୀ ପୁଲିସ ପକ୍ଷରୁ କୁହାଯାଇଛି।
Related Posts
ପ୍ରଭୁ ବାଲାଜୀ ! କ୍ଷମା କରନ୍ତୁ : ତିରୁପତି ପ୍ରସାଦ ବିବାଦ ; ୧୧ ଦିନିଆ ଉପବାସରେ ପୱନ
- satakhabar
- September 22, 2024
- 0
ତେଲେଙ୍ଗାନା,୨୨/୯ : ଆନ୍ଧ୍ରପ୍ରଦେଶର ତିରୁପତି ବାଲାଜୀ ମନ୍ଦିର ଦ୍ୱାରା ଦିଆଯାଉଥିବା ଲଡୁ ପ୍ରସାଦରେ ପଶୁ ଚର୍ବିର ବ୍ୟବହାର ରିପୋର୍ଟ ଆସିବା ପରେ ରାଜନୈତିକ ଉତ୍ତେଜନା ବଢ଼ିବାରେ ଲାଗିଛି। ବର୍ତ୍ତମାନ ଏହି ପ୍ରସଙ୍ଗରେ ରାଜ୍ୟର ଉପମୁଖ୍ୟମନ୍ତ୍ରୀ […]
ନିର୍ବାଚନ ପୂର୍ବରୁ ମହାରାଷ୍ଟ୍ର ସରକାରଙ୍କ ବଡ଼ ଘୋଷଣା, ଜାଣନ୍ତୁ ଦ୍ବାଦଶ, ଡିପ୍ଲୋମା, ଗ୍ରାଜୁଏଟ୍ ପିଲାଙ୍କୁ କେତେ ଟଙ୍କା ମିଳିବ
- satakhabar
- July 17, 2024
- 0
ମୁମ୍ବାଇ,୧୭/୭: ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ଶିନ୍ଦେ ବର୍ତ୍ତମାନ ଲଡଲା ଭାଇ ଯୋଜନା ଆରମ୍ଭ କରିବାକୁ ଯାଉଛନ୍ତି । ମୁଖ୍ୟମନ୍ତ୍ରୀ ଶିନ୍ଦେ ଏହି ନୂତନ ଯୋଜନା ଆରମ୍ଭ କରିବାକୁ ଘୋଷଣା କରିଛନ୍ତି । ଆଷାଢ ଏକାଦଶୀ […]
କଙ୍ଗନାଙ୍କ ବୟାନଠୁ ଦୂରେଇଲା ବିଜେପି, କହିଲା ଏଭଳି କିଛି
- satakhabar
- August 26, 2024
- 0
ନୂଆଦିଲ୍ଲୀ,୨୬/୮ : ବିଜେପି ସାଂସଦ କଙ୍ଗନା ରାଣାୱତ କୃଷକ ଆନ୍ଦୋଳନ ଉପରେ ଦେଇଥିବା ଟିପ୍ପଣୀକୁ ନେଇ ଜବାବ ରଖିଛି ଦଳ। କଙ୍ଗନାଙ୍କ ମନ୍ତବ୍ୟଠୁ ବିଜେପି ସମ୍ପୂର୍ଣ୍ଣ ରୂପେ ନିଜକୁ ଦୂରେଇ ରଖିଛି। ଏନେଇ ଦଳ […]